وەزارەتا پێشمەرگەى: ئەمریکا چ جۆرێن ڤاکسینى بۆ هێزێن پێشمەرگەى دابین نەکرینە

رێڤەبەرێ کاروبارێن نۆشدارى ل وەزارەتا پێشمەرگەى ره‌ت دكه‌ت، كو هیچ جۆرە ڤاکسینه‌ك بۆ هێزێن پێشمەرگەى هاتبنه‌ دابین كرن و گۆتییه‌، به‌لاڤبوونا نووچه‌یێ دابینکرنا ڤاکسینى ژ لایێ ئەمریکا ڤە بۆ لیوایێن تایبەت یێن وەزارەتا پێشمەرگەهى، نووچه‌یه‌كێ راست نینه‌.

 د. رزگار عه‌لی، رێڤەبەرێ کاروبارێن نۆشدارى ل وەزارەتا پێشمەرگەى دیار كرییه‌، به‌لاڤبوونا نووچه‌یێ دابینکردنا ڤاکسینى ژ لایێ ئەمریکا ڤە، د چەندین مالپەر و کەنالێن میدیایی دا، بۆ لیوایێن تایبه‌ت یێن وەزارەتا پێشمەرگەى، نووچه‌یه‌كێ نه‌ یێ راسته‌.

ئه‌و ژى گۆتییه‌، هەر چەندە مە وه‌ك رێڤەبەرییا کاروبارێن نۆشدارى  مه‌ داخواز ژ هه‌ڤپەیمانان کرییە، ڤاکسینى بۆ هێزێن پێشمه‌رگه‌ى دابین بکەن، بەلێ هه‌تا نوكه وان به‌رسڤ ل سه‌ر‌ ڤێ داخوازییە مه‌ نه‌دایه‌.