رێكخستنا لێبورینا ناڤدهولهتى راگههاند؛ سهرهراى بهلاڤبوونا ڤایرۆسێ كۆرۆنایێ ل سالا 2020ێ، ههژمارهكا وهلاتان ل سهر بجهئینانا سزایێن سێدارهدانێ د بهردهوامبوون.
رێكخستنا ئهمنستى ئنترناشنال یا ناڤدهولهتی د راپۆرتا خوه یا سالانه دا دیاركر، ڤایرۆسێ كۆرۆنایێ ل 18 وهلاتان نهبوویه رێگر د بجهئینانا سزایێ سێدارهدانێ دا ل سالا 2020ێ و ئهڤ یهكه ژى ئاماژهیهكا ب مهترسى یه بۆ سهر مرۆڤایهتییێ.
د راپۆرتا ئهمنستى دا هاتییه، وهلاتێ مسرێ بهراورد ب سالا بوورى سێ هنده سزایێ سێدارهدانێ زێدهبوویه و وهلاتێ چینێ ژى ههژمارهكا مهزن یا سزایێن سێدارهدانێ سهپاندینه. ئیدارا دۆنالد ترامپ، سهرۆكێ پێشتر یێ ئهمریكا ژى ددهمێ كیمتر ژ شهش مههان دا 10 كهس ل سێدارهداینه.
ئاماژه ب وێ یهكێ ژى دایه ههر ئێك ژ ولاتێن هندستان و عومان و قهتهر و تایوان دهست ب سهپاندنا سزایێن سێدارهدانێ كرییه.
