مه‌سرور بارزانی پێشوازی ل وه‌زیرێ كاره‌با ئیراقێ كر

سه‌رۆكێ حكومه‌تا هه‌رێما كوردستانێ پێشوازی ل وه‌زیرێ كاره‌با ئیراقێ كر و گۆتوبێژا ره‌وشا كاره‌بێ كرن.

مه‌سرور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ ل سه‌لاحه‌ددین پێشوازی ل ماجد حه‌نتوش، وه‌زیرێ كاره‌با حكومه‌تا فیدرال كر و د كۆمبوونێ دا گۆتوبێژ ل دۆر ره‌وشا كاره‌با ئیراقێ و هه‌رێما كوردستانێ كرن و هه‌ماهه‌نگییا دناڤبه‌را هه‌ردوئالییان دا بۆ باشتركرنا شیانێن به‌رهه‌مئینانا وه‌ستگه‌هێن كاره‌بێ.

سه‌رۆكێ حكومه‌تێ ئاماده‌ییا خوه‌ بۆ هاریكاریكرنا وه‌زاره‌تا كاره‌با فیدرال و تۆرا كاره‌با نشتیمانی بۆ پرۆژه‌یێ هه‌ڤپشك ده‌ربڕی كو ئیراق خودان سامانه‌كێ ماددی و مرۆڤی یێ زه‌نگینه‌ ئه‌گه‌ر ب باشی مفا ژێ بهێت وه‌رگرتن، كارتێكرنێن نه‌رێنی ل سه‌ر باشتركرنا ژیارا وه‌لاتییان ب گشتی و كاره‌با ب تایبه‌تی نابن.