شەر ل قامیشلۆ دەست پێکره‌ڤە

جاره‌كا دى شه‌ر دناڤبه‌را ئاسایشا پەیەدێ و میلیشیاتێن سەر ب رژێما سووریێ دەست پێکره‌ڤە.

ئه‌ڤرۆ، میدیایێن رۆژئاڤایێ کوردستانێ دیار كرینه‌: شەر ل نێزیک قوتابخانا عەباس عەلاوی و ئیبن سینا ل ناڤەراستا گەره‌كا تەی دەست پێکرییە و دیار كریه‌، چەکدارێن نیشان شكێن یێن سەر ب رژێما سووریا ل سەر بانێن مالان وه‌لاتییان دکەنە ئارمانج.

ل دووڤ زانیارییان، هه‌تا نوكه‌ سێ زارۆك ب گۆله‌یێن چەکدارێن سه‌ر ب رژێما سووریێ هاتینه‌ كوشتن و دوو ژى بریندار بووینه‌.

ئاسایشا پەیەدێ گیان ژ دەستدانا کارمەنده‌كێ ئاسایشێ ب ناڤێ خالد حاجی، د وى شه‌رى دا راگەهاندییه‌، دیسان گۆتییه‌، ژ لایی كێمڤه‌ پێنج چەکدارێن سەر ب رژێما سووریێ هاتینه‌ کوشتن و هەشت ژى بریندار بووینه‌.