ژ ئهگهرێ ئاگرڤێكهفتنهكا مهزن ب نهخۆشخانهیا ئیبن خهتیب یا تایبهت ب چارهسهركرنا تووشبوویێن كۆرۆنا، 23 كهسان گیانێ خوه ژ دهستدا و 33 یێن دی ژی برینداربوون، ب ڤێ یهكی ژی كۆمسیۆنا بلندا مافێن مرۆڤی ل ئیراقێ د بهیانهكێ دا راگههاند؛ كارهساتهك د دهرههقا نهخۆشان دا هاتییه كرن و ئهو نهخۆشێن كۆرۆنا یێن ل نهخۆشخانێ هاتینه نڤاندن، باوهری ب وهزارهتا ساخلهمیێ ههبوون، لێ ل شووینا چارهسهركرنێ گیانێ وان هاته سۆتن.
كۆمسیۆنا مافێن مرۆڤی داخوازا ل بجهئینانا رێكارێن قانوونی بۆ كهسێن بهرپرس ژ روودانێ كر و داخواز ژ موستهفا كازمی، سهرۆكوهزیرێن ئیراقێ ژ بۆ پاراستنا مرۆڤان و گهرهنتیكرنا ژیانا وان، حهسهن تهمیمی، وهزیرێ ساخلهمیێ و بریكارێن وی ژ كارلابدهت.
