جڤاتا كاروبارێن خانمان پێشوازى ل شانده‌كا یۆ ئێن ئێف پى كر

خانزاد ئەحمەد، ئەمیندارا گشتییا جڤاتا بلندا كاروباریێن خانمان ل حكومەتا هەرێما كوردستانێ، ئه‌ڤرۆ ئێكشه‌مبى 25-4-2021ێ پێشوازی ل شانده‌كا یۆ ئێن ئێف پى ئه‌ى یا سه‌ر ب نه‌ته‌وه‌یێن ئێكگرتى كر، كو پێكهاتبوون ژ د. ریتا كۆلۆمبیا نوونه‌را شاندى.   

د كۆمبوونێ دا، په‌یوه‌ندى د ناڤبه‌را هه‌ردوو لایان و پرۆژه‌یێن وه‌رزێ یۆ ئێن ئێف پى ئه‌ى یێن داهاتى و كاركرنا د ناڤبه‌را هه‌ردوو لایان گۆتوبێژكرن، شاندێ ئاماده‌یا خوه‌ بۆ پشته‌ڤانیكرنا پرۆژه‌یێن جڤاتا بلندا كاروبارێن خانمان، بۆ گه‌شه‌پێدانا ره‌وشا ژنان و بواریێن تواناسازییا ژنان ل هه‌موو بواران نیشاندا.

د ته‌وه‌ره‌كێ دیدا یێ دیدارێ، گۆتوبێژ ل سه‌ر چه‌وانییا كاركرنا هه‌ڤپشكا د ناڤبه‌را هه‌ردوو لایان هاته‌ كرن، ب ئارمانجا گه‌هشتنا خزمه‌تگۆزارییان و پێدڤییان بۆ ژنان ب رێكا راهێنانان و گه‌شه‌پێدانا شیانان و دروستكرنا سه‌ركردان و كه‌سایه‌تییێن داهاتى ژ ژنان و كچان د سه‌رجه‌م بواران دا.

هەروه‌سا د. ریتا كۆلۆمبیا، دەستخۆشی ل بزاڤێن جڤاتا بلندا كاروبارێن خانمان كر، بۆ گەشەپێدانا ڕەوشی خانمان و ب تایبەت ژى ئەو پرۆژه‌یێن پەیوەستن ب   تواناسازییا ئابوورییا خانمان.