پارتییا دیمۆكراتیك یا گهلان ههدهپێ جودا ژ ههموو پارتیێن دى یێن توركیا، كۆمكوژیا ئهرمهنان وهكو جینۆساید ناساند و شهرمزار كر، ئهو یهك ژى بوویه ئهگهر پارتێن دیێن توركیا فشارێن مهزن بێخنه سهر و ب خائین ب ناڤ بكهن.
ب ههلكهفتا بوورینا 106 سالان ل سهر كۆمكوژیا ئهرمهنان ل سهر دهستێ ئۆسمانییان ل سالا 1915، ههدهپێ د بهیانهكێ دا ئهو كۆمكوژى شهرمزار كر و داخواز ژ حكومهتا توركیا كر ب شهرمزارى ڤه وێ كۆمكوژیێ بدهنه نیاسین.
بهیانا ههدهپێ بوویه ئهگهر چهندین پارتیێن سیاسى ل توركیا فشارهكا مهزن بێخنه سهر ههدهپێ و ب خائین ب ناڤ كرینه.
عومهر چهلیك، پهیڤدارێ پارتییا داد و گهشهپێدان ئاكهپێ یا دهستههلاتدار ب توندى ل دژى داخویانییا ههدهپێ راوهستیایه و گۆتییه: رۆژهك دێ هێت ئهو دێ باجا وێ گۆتنێ دهن.
ژ ئالییهكێ دى ڤه چهندین مالپهرێن سهر ب حزبا دهستههلات ڤه، ههدهپه وهكو حزبهكا خیانهتكار ب ناڤ كرییه و داخواز كرییه ههدهپه ل سهر ناساندنا كۆمكوژیا ئهرمهنان بهێته سزادان.
سالا 1915 و تا سالا 1923 دهولهتا ئۆسمانى دهست دا كوشتن و كۆمكوژیا ئهرمهنێن ل وى وهلاتى دژیان، ل گۆرهى ئاگاهیێن هندهك ژێدهران ژى ههژمارا قوربانییان د وێ كۆمكوژیێ ژ 600 هزار تا ملیۆنهك و 500 هزار كهسان بوویه قوربانى.
