كرێكارێن كه‌رتێ تایبه‌ت ژى دێ خانه‌نشین بن

ئه‌ندامه‌كێ لژنا كار و كارۆبارێن جڤاكى ل په‌رله‌مانێ ئیراقێ راگه‌هاند، ل گۆره‌ى پرۆژه‌قانوونا خانه‌نشینێ و بیما جڤاكى كرێكارێن كه‌رتێ تایبه‌ت ژى دێ خانه‌نشین بن.

حسێن عه‌ره‌ب، ئه‌ندامێ لژنا كار و كارۆبارێن جڤاكى د پرێسكۆنفرانسه‌كى دا راگه‌هاند؛ په‌رله‌مانى خواندنا ئێكێ بۆ پرۆژه‌قانوونا خانه‌نشینێ و بیما جڤاكى كرییه‌.

دیار ژى كر، ل گۆره‌ى وێ پرۆژه‌قانوونێ، هه‌موو وه‌لاتی ل كه‌رتێ تایبه‌ت ل گۆره‌ى عه‌مرێ قانوونى و سالێن خزمه‌تێ دێ مووچه‌یێ خانه‌نشینیێ وه‌رگرن.