نێچیرڤان بارزانی ل سلێمانیێ د گه‌ل ته‌ڤگه‌را گۆرانێ كۆمبوو

نێچیرڤان بارزانی، سه‌رۆكێ هه‌رێما كوردستانێ ئه‌ڤرۆ سه‌عه‌ت 11:45 خۆله‌ك ل سلێمانیێ د گه‌ل ته‌ڤگه‌را گۆرانێ كۆمبوو و په‌یوه‌ندیێن دناڤبه‌را هه‌ولێر و به‌غدا، هه‌لبژارتنێن ئیراقێ و بابه‌تێ نڤێسینا ده‌ستووره‌كێ نوو بۆ هه‌رێما كوردستانێ گۆتوبێژكرن كو لژنه‌یه‌كا سیاسی ژی بۆ دانا بیروبووچوونێن خوه‌ ل دۆر ده‌ستووری هاتییه‌ پێكئینان.

ته‌ڤگه‌را گۆرانێ ئێكه‌م حزبه‌ كو نێچیرڤان بارزانی د سه‌ره‌دانا خوه‌دا بۆ سلێمانیێ لگه‌ل كۆمبووی و بڕیاره‌  هه‌ر ئه‌ڤرۆ د گه‌ل ئێكه‌تییا نشتیمانییا كوردستانێ و حزبا سۆشیالیست ژی كۆمببیت.