کۆمپانیا دانەغاز ئەنجامێن دارایى یێن چارێكا ئێكێ یا ئهڤ ساله بهلاڤكرن و راگههاند: پشتى راوەستیانا كارێ وان ژ ئهگهرێ بهلاڤبوونا ڤایرۆسێ کۆرۆنایێ، وان دهست ب بهرفرههكرنا کێلگەها کۆرمۆر كرییه و ل سالا 2021 ئانكو پشتی دو سالێن دی بەرهەمێ غازا سرۆشتی ل هەرێما کوردستانێ دێ ب رێژا 60٪ زێده كهت، ئەو ژى ب رێیا بهرههمئینانا 600 ملیۆن دۆلارێن ئەمریکی.
پاتریک ئەلمان وارد، سەرۆکێ جێبەجێکار یێ کۆمپانیا دانەغاز راگەهاند:کۆمپانیا وان ل چارێكا ئێكێ یا ئەڤ ساله دا پێشکەفتنهكا باش ب دهستڤه ئینایه و داهاتێ وان ب رێژا 9٪ زێدهکرییە و دێ د بەردەوام بن د پلانا خوه یا زێدهکرنا بەرهەمى دا ل هەرێما کوردستانێ ژ 440 بۆ 690 ملیۆن پێ یێن سێجا د رۆژهكێ دا ل مهها نیسانا 2023، ئەڤه ژى دێ داهاتێ وان زێدهكهت.
