ل پارێزگهها دهۆكێ زارۆیهكێ بێ ئهندامێ نێرینه ژ دایكبوویه و ئهڤه ژی ب حالهتهكێ دهگمهن ل سهر ئاستێ جیهانێ هاتییه دیاركرن.
دكتۆر نزار بهكر، رێڤهبهرێ نهخۆشخانا هیڤی یا زارۆكان بۆ خانی نیوز دیاركر، بهرییا مهههكێ زارۆیهكێ ب دهگمهن ل سهر ئاستێ جیهانێ ژدایك بوویه كو ئهندامێ نێرینه پێڤه نهبوو، دیار ژی كر، نشتهرگهرییهك بۆ هاتییه كرن و سۆنده ب رێكا میزدانكێ بۆ هاتییه دانان و رهوشا وی یا ساخلهمیێ ژی یا باشه.
رێڤهبهرێ نهخۆشخانا هیڤی خویا ژی كر، ئەڤ حالەتە ل سەر ئاستێ جیهانێ دەگمەن و کێم وێنەیە، ل سەر ئاستێ دهۆک، کوردستان وئیراقێ ژی ئێکەم حالەتە پەیدادبیت، گۆت ژی چارەسەری ئەوە پشتی زارۆک مەزن دبیت ب رێکا چەندین نەشتەرگەییان ئەندامێ نێرینە بۆ بهێتە دانان، لێ هەر وەکۆ زارۆکەکێ ئاسایی یێ دروست نابیت.
