پارێزگارێ هه‌ولێرێ: بێ رێزیێ قه‌بوول ناكه‌ین

پشتى ل سنۆرێ پارێزگه‌ها مێرسینێ ل وه‌لاتێ توركیا ژلایێ چه‌ند كه‌سان ڤه‌ هێرش ل سه‌ر مالباته‌كا كورد هاتینه‌ كرن و ب شێوه‌یه‌كێ نه‌مرۆڤانه‌ ئازار داین و چوار كه‌س ژى ب تاوانا هێرشكرنێ بۆ سه‌ر وان هاتینه‌ ده‌سته‌ سه‌ر كرن، پارێزگارێ هه‌ولێرێ په‌یوه‌ندى ب جهێن شوله‌ژێ كر.

ئومێد خۆشناو، پارێزگارێ هەولێرێ ل سەر وێ کەیسێ په‌یوه‌ندى  ب به‌رپرسێن نڤێسینگه‌ها په‌یوه‌ندیێن ده‌ره‌ڤه‌ یا حكومه‌تا هه‌رێما كوردستانێ  و كونسلێ گشتیێ وه‌لاتێ توركیا ل هه‌ولێرێ كر  و داخواز ژێ كرییه‌ كو ڤه‌كۆلین ل سه‌ر وێ تاوانێ بهێته‌ كرن و تاوانبار بهێنه‌ سزادان.

خۆشناو گۆت ژى: داخوازێ ژ كونسلخانا گشتییا وه‌لاتێ توركیا ل هه‌ولێرێ دكه‌ن، ب فه‌رمى بۆ رایا گشتى رۆهنكرنه‌كێ بده‌ت و ئه‌گه‌رێ هێرشكرنێ بۆ سه‌ر وه‌لاتێن كوردستانێ دیار بكه‌ن.

ئاماژه‌ ژى دا، كو ب چ ره‌نگه‌كى ڤان جوره‌ كاران قه‌بوول ناكه‌ن و كاره‌كێ دروست نینه‌، ب توندى وى كارى شه‌مزار دكه‌ن و قه‌بوول ژى ناكه‌ن ل هه‌ر جهه‌كى خه‌لكێ كوردستانێ بێرێزى به‌رانبه‌رى وان بهێته‌ كرن.