ل گۆره‌ى راپۆرته‌كا نوو یا زانستى تایبه‌ت ب وه‌لاتێن هه‌ژار و ده‌وله‌مه‌ند ل سه‌ر ئاستێ جیهانێ، ئیراقێ رێزا 115ێ یا وه‌لاتێن ده‌وله‌مه‌ند وه‌رگرتییه.
گۆڤارا گلۆبال فاینانس راپۆرته‌كا نوو یا زانستى تایبه‌ت ب وه‌لاتێن هه‌ژار و ده‌وله‌مه‌ند یێن جیهانێ به‌لاڤكرییه و تێدا هاتییه، وه‌لاتێن هه‌ژار ب ده‌ست هنده‌ك كێشه‌یێن مه‌زن دنالن و ئه‌گه‌رێن وان ژى گه‌نده‌لى و شه‌رێن ناڤخوه‌یی و كێشه‌یێن تائیفى نه یێن د وان وه‌لاتان دا په‌یدا دبن.
راپۆرتێ دیار ژى كرییه، وه‌لاتێن باشوورێ سوودان و برۆنۆدى و سۆمال سێ هه‌ژارترین وه‌لاتێن جیهانێ نه، وه‌لاتێن هه‌ژار كێشه‌یێن مه‌زن یێن وه‌كو شه‌رێ ناڤخوه‌یى و كێشه‌یێن تائیفى تێدا دروستبووینه و ل ڤان داویان ژى په‌تایا كۆرۆنایێ ره‌وشا وان خرابتر كرییه.
ل گۆره‌ى راپۆرتا گلۆبال فاینانس، 10 هه‌ژارترین وه‌لاتێن جیهانێ ل كیشوه‌رێ ئه‌فریقیا نه، یه‌مه‌ن ل رێزا 14ێ دهێت و ئه‌ڤغانستان ژى ل رێزا 21ێ دهێت.
ژ سه‌رجه‌مێ هه‌موو وه‌لاتێن جیهانێ، ئیراق ل رێزا 115ێ هاتییه و هه‌رئێك ژ لوبنانێ و ئۆردنێ پێش ئیراقێ دهێن.
