وانێ.. 66 كۆچبه‌رێن نه‌قانوونى هاتنه‌ ده‌سته‌سه‌ركرن

هێزێن ئاسایشێ ل پارێزگه‌ها وانێ یا باكورێ كوردستانێ 66 كۆچبه‌رێن نه‌قانوونى و 4 قاچاخچى ده‌سته‌سه‌ركرن.

ل گۆره‌ى راگه‌هاندنه‌كا رێڤه‌به‌رییا ئاسایشا وانێ، د چارچووڤێ بزاڤێن به‌رهنگاربوونا قاچاخچیكرنێ ب مرۆڤ و كۆچبه‌ران ل سنۆرێ وێ پارێزگه‌هێ، تیمێن ئاساییشێ ل ده‌ریێن سنۆرى ئۆپه‌راسیۆنه‌ك ده‌ستپێكر و شیان 66 كۆچبه‌رێن نه‌قانوونى و 4 قاچاخچى ده‌سته‌سه‌ر بكه‌ن.

رۆژانه‌ هه‌ژماره‌كا مه‌زن یا كۆچبه‌رێن نه‌قانوونى ژ رۆژهه‌لاتێ كوردستانێ خوه‌ دگه‌هیننه‌ سنۆرێ پارێزگه‌ها وانێ ل باكورێ كوردستانێ و پاشان باژێرێن دى یێن توركیا.