سهرۆكێ حكومهتا ههرێما كوردستانێ راگههاند، شۆرهشا گولانێ درێژیا شۆرهشا مەزنا ئیلۆنێ بوو و بێ ئومێدى نههێلا و ئاسۆیەکا نوو بۆ گەلێ کوردستانێ دروست كر، ب خوهراگرى و ئیرادەیەکا ب هێز و بەردەوامی دا ب خەبات و تێکوشانا خهلكێ کوردستانێ ل پێناڤ ب دهستڤهئینانا مافێن رەوا.
مهسروور بارزانى راگههاند، ب ههلكهفتا شۆرهشا گولانێ دا دوپات ل کارکرن بۆ ئێكرێزیێ د ناڤبهرا پێکهاتێن گەلێ کوردستانێ كر، كو ههڤخەبات و کارێن پێكڤه و تهڤاییا د ناڤبهرا هێز و ئالیێ کوردستانێ بۆ ئهگهر و بنەمایێن پێکئینان و ههموو سەرکەفتنێن سهرهلدانا ئادارا سالا 1991 ئێك ژ دەستكهفتێن گرنگ یێن شۆرهشا گولانێ بوو.
ب ههلكهفتا 45 سالیا شۆرهشا گولانێ سهرۆكێ حكومهتا ههرێما كوردستانێ گهرمترین پیرۆزباهى ئاراستهی گهلێ كوردستانێ و سەرۆک بارزانی و سەرکردهیێن پارتی و پێشمەرگەیێن قاهرهمان كر و رێز ل شههید ئیدریس بارزانى و ههموو شەهیدێن و تێکوشەرێن و پشكدارێن شۆرهشا گولانێ كرن.
