شۆڕش ئیسماعیل، وەزیرێ پێشمەرگەیێ حکومەتا هەرێما کوردستانێ، ئهڤرۆ چارشهمبى 2-6-2021ێ پێشوازی ل هانس ئهیكهربوم، كونسوڵێ گشتیێ هۆڵهندا ل ههرێما كوردستانێ و راوێژكارێ هێزێن هۆڵهندا و پاشكۆیێ سهربازیێ كونسوڵخانهیا ئهوى وهڵاتى ل ههولێر كر.
د كۆمبوونێدا، کو ئەفسەرێن بلندێن وەزارەتێ ئامادە ب بوون، ههردوولایان ژى دوایى پێشهاتەێن سەربازیی و مەترسییا سەرهەڵدانهڤه و بزاڤا نهئاساییا تیرۆرستێن داعش بهێنه دیاركرن ل دهڤهرێن كوردستانیێن ژ دهرڤهیى ئیدارهیا ههرێمێ، گۆتوبێژ دهربارهیى وێ چهندێ هاتنه كرن.
كونسوڵێ گشتیێ هۆڵهندا ل ههولێرێ، خواستا وهڵاتێ وى د پشكدارییا كارا ل ههرێما كوردستانێ ئاشكراكر و گۆت:” وهك هۆڵهندا ژ پشتهڤانییا پێشمهرگهیى و پێشخستنا وان دێ یا بهردهوام بیت.
ل سهر پرسا چاكسازیێ، وهزیرێ پێشمهرگهیى راگههاند، كو پرۆسهیا رێفۆرما سهربازى و خۆرێكخستنا هێزێن پێشمهرگهیى بهردهوامه.
كۆلۆنێل یان، راوێژكارێ سهربازیێ هۆڵهندا ل ههولێرێ، پهسنا بزاڤێن وەزارەتا پێشمەرگەی کرن، د پڕۆسەیا چاکسازیێدا هێزێن پێشمەرگە و بزاڤ بۆ ڕێکخستنا هێزان و بەردەوامبوون ژ پێنگاڤێن بەرەڤ چاکسازیێن زێدهتر، بۆ ڤێ مهرمێ ژى گۆتی: هەموو پشتهڤانییهكا لۆجیستی و سەربازییا وەزارەتا پێشمەرگە دکەین و مه دڤێت تیرۆر و تیرۆریستان بنبڕ بکەین و ئهڤه ژى دێ ب بزاڤا هەمووان بیت.
