باتیفا.. 40%ێ پرۆژێ ئاڤا ڤەخوارنێ هاتیه‌ بجهئینان

رێڤەبەرێ ناحیا باتیفا بۆ خانی نیوز راگەهاند، کۆژمێ 6 ملیار دینارێن ئیراقى بۆ پرۆژەیێ ئاڤێ هاتینە تەرخانکرن و نوکە ژ ئالیێ هەردو کۆمپانیێن لەڤەند و مان گرۆپ کار د پرۆژەیی دا دهێتە کرن و بەردەوامە.

فەرهاد مەحمود گۆت: پرۆژە یێ مەزن و گرنگە نە ب تنێ بۆ ناڤەندا باژێری بەلکو گوندێن دەوروبەران ژی دێ مفایی ژێ بینن ژبەرکو عمباره‌كا مەزن یا هەلگرتنا ئاڤێ دگەل دا ژی ئاڤاهیێ فەرمانگەها بەلاڤکرنا ئاڤی ژی دپرۆژەی دا هەیە.

رێڤەبەرێ ناحیا باتیفا دیاركر، د نها دا پرۆژە ب رێژەیا 40 ژ سه‌دێ کار تێدا هاتیە کرن ب دووراتیا 13 کم دێ هێلا ئاڤێ ب رێکا بۆریان ژئاڤا خابوری ل گوندێ گوفکێ هێتە راکێشان بۆ باتیفا، ده‌مێ پروژەی 455 رۆژن، لێ ب باوەرن دێ بەری دەمێ دیارکری کەڤیتە د خزمەتا دەڤەرێ دا و ژئاریشا کێمبوونا ئاڤا ڤەخوارنێ رزگار بن.

خانی نیوز، نزار مەجید