<h3><span style="font-size: 18pt;">سەرۆک بارزانی شەهیدێن 9 خزیرانا سالا 1963 ل سلێمانیێ ب وانەكا پڕبها و ئازایەتیێ و ئازادیخوازیێ بۆ گەلێ مه بناڤ دكهت و راگههاند، ئەو شەهیده نامرن، ئامادە نەبوون سفكایهتیێ ب هێمایین نەتەوەیا مه بكەن، ژبهر هندێ ب دەستێ تاوانبارێن وى دهمى "زەعیم سهدیق" ى شەهید كرن.</span></h3> <h3><span style="font-size: 18pt;">دەقێ پەیاما سەرۆک مەسعود بارزانی</span></h3> <h3><span style="font-size: 18pt;">ب ناڤێ خودایێ مەزن و دلۆڤان</span></h3> <h3><span style="font-size: 18pt;">د مێژوویا خەباتا گەلێ مهدا رۆژ نینە سالڤهگهرا كارەسات و قوربانیدان و قارەمانییا رۆلێن گهلێ مه نهبیت، 58 سالان بهرى نوكه ل 9 خزیرانا 1963 دا ژمارەكا ئازادیخوازێن سلێمانیێ ژبهر هندێ د ئامادە نەبوون سفكاتیێ ب هێمایێ نەتەوەیا مه بكەن، ب دەستێ تاوانبارێ وى دهمى "زەعیم سهدیق" ى هاتنه شەهید كرن، ئەو شەهیدێن نەمر یێن سلێمانیێ ب قوربانیدانا خوه وانەكا پڕبها یا ئازایەتیێ و ئازادیخوازیێ بوون بۆ گەلێ مه.</span></h3> <h3><span style="font-size: 18pt;"> بیست و دو سالان پشتى وێ تاوانا زەعیم سهدیقى، هەر د رۆژهكا وەك ئەڤرۆ دا ل ٩ خزیرانا ١٩٨٥دا دەستێ تاوانكارێن دوژمنى گەهشتە گیانێ بێ تاوان و پەنابەران، فرۆكێن رژێما وى دهمى یێن ئێراقێ دڕندانە ئۆردیگایێ پەنابەرێن "زێوە" بۆردومان كر و د وێ تاوانێدا سەدان ژن و زارۆیین بێ گوناهێن پەنابەر و ئاوارەیان شەهید و بریندار بوون. </span></h3>
