کلچدار ئۆغلۆ: مافیا بالێ سییێ یێ هه‌ڤپه‌یمانییا ئاکپارتی و مەهەپێ یه‌

کەمال کلچدار ئۆغلۆ، سەرۆکێ گشتی یێ پارتییا گەل یا کۆماری (جەهەپێ) راگەهاند، چەندین کێشە د سیسته‌مێ رێڤه‌برنا تورکیا دا هەنە و نوكه‌ یا روون و ئاشکرایە، كو نابیت وه‌لات ژ لایێ كه‌سه‌كێ ڤه‌ بهێته‌ برێڤه‌ برن.

کلچدار ئۆغلۆ ئەنجامدانا هەلبژارتنێن پێشوەخت ب چارەسەر بۆ حوکومرانی و رێڤه‌برنا وه‌لا‌تى دزانیت و گۆت: مه‌ کێشەیا جددى د سیسته‌میدا هەیە، پێدڤییه‌ بهێته‌ چاره‌سه‌ر كرن، بەلێ ئه‌وێن نه‌ڤێن وێ کێشێ چارەسەر بکەن، وان شیان نه‌ماینه‌ د وه‌لاتى دا، ده‌مێ ته‌ماشه‌ى دەوله‌تێ دكه‌ین دبینین چەند گرووپه‌ك لایەنگر هەنه‌ كو بەرژەوەندییا خوه‌ كرییه‌ بنه‌ما و ل سەر وان هەموویان دەرکەفت کو مافیا بالێ سییێ یێ هه‌ڤپەیمانییا جمهورى یه‌، له‌وما تاكه‌ رێك بۆ دەربازبوون ژ ڤان هەموو پیسی و بهێن گه‌نییان هەلبژارتنن”.

ده‌ربارەی ڤیدیۆیێن سێدات پێکەر، كو ل تورکیا ب سەرۆكێ مافیا دهێته‌ نیاسین و نوكه‌ یێ بەردەوامە د به‌لاڤكرنا زانیاریێن سەرنجڕاکێش و نهێنیی یێن بەرپرسێن دەوله‌تێ و بازرگانان، کلچدار ئۆغلۆى گۆت ژى: پێدڤییە داخوازکارێ گشتی دەست ب لێپرسینێ بكه‌ت.

سەرۆکێ جەهەپێ گۆت ژى: هه‌ڤپەیمانییا جمهور ‘ئاکپارتی و مەهەپە’ بالێ سییێ هه‌یه‌ ئه‌و ژى مافیایە.