د. خەیری عەلی ئوسۆ رێڤەبەرێ گشتی یێ گەشت و گۆزارێ ل پارێزگەها دهۆکێ تابیەت بۆ خانی نیوز گۆت، پشتی بەرفرەهـبوونا شەرێ پەکەکێ و تورکیا ل سنورێ پارێزگەها دهۆکێ کاریگەری لسەر کەرتێ گەشت و گۆزارێ دروستبوویە و 29 جهێن گەشت و گوزاری هاتینە گرتن.
د. خەیری عەلی گۆت ژی، گرتنا ڤان جهان دێ کاریگەریەکا نەرێنی کەتە سەر کەرتێ گەشت و گۆزارێ و چەندین کەس ماینە بێ کار، لەوما ئەو هیڤیدارن کو دوماهى ب ڤی شەری بهێتە دانان و ئەڤ شەرە دناڤ ئاخا هەرێمێ دا نەمینیت، دا کو زێدەتر کاریگەریێن نەرێنی ل سەر هەرێمێ نەبیت.
ل داویێ ناڤبری دیارکر ژی، د مەها دەربازبووی دا زێدەتر ژ 22 هزار گەشتیاران سەرەدانا پارێزگەها دهۆکێ کرینە، کو د نهادا ئەڤ هەژمارە یا گۆنجایە بۆ نوکە.
