وه‌زاره‌تا رۆشنبیرى په‌خشكرنا سترانه‌كێ قه‌ده‌غه‌كر

وه‌زاره‌تا رۆشنبیری و لاوانێن حكومه‌تا هه‌رێما كوردستانێ ل سه‌ر سكاڵایا سه‌نته‌رێ رۆشنبیری دیانا، په‌خشكرنا سترانا “سێڤا سور”یا سترانبێژ ته‌ها قادری ل هه‌موو كه‌نالێن راگه‌هاندنێ قه‌ده‌غه‌كر.

ل دوویڤ نڤیساره‌كا وه‌زاره‌تا رۆشنبیرى و لاوان كو ئیمزایا شێروان عه‌ولا خورشید رێڤه‌به‌رێ گشتیێ راگه‌هاندن و چاپێ و به‌لاڤكرنێ ب وه‌كاله‌ت ل سه‌ره‌ و تێدا هاتییه‌، سه‌باره‌ت وێ سكالایا سه‌نته‌رێ رۆشنبیرى دیانا ل سه‌ر سترانبێژ ته‌ها قادر و سترانا سێڤا سور پشتى دووڤچوونێ بۆ تێكستا سترانێ ده‌ركه‌فت كو چه‌ند په‌یڤه‌كێن نه‌جوان بكار ئیناینه‌، كو چ رامان تێدا نینه‌ ژلایێ زمانى ڤه‌ و چ په‌یوه‌ندى ب زمانێ سریانى ڤه‌ نینه‌، به‌لكو بۆ مه‌ره‌ما سڤكاتیێ هاتییه‌ بكارئینان دژى زمانێ گه‌لێ كلدانى سریانى ئاشورى، بێ گومان ئه‌ڤێ چه‌ندێ ژى كارتێكرن ل سه‌دان كه‌سان كرییه‌.
‌