دادگهها دهستورییا توركیا راگەهاند، دهربارهی دۆسیەیا داواكارێ گشتى بۆ داخستنا ههدهپێ دەست ب ڤهکولینان کرییه و دادگههێ ژى دۆسییە قهبوولكرییه.
داواكارى ژلایەنێ داواکارییا گشتییا کۆمارییا تورکیاڤه هاتییه ئاڕاستەکرن، بەلێ بەرپرسێن هەدەپێ ئەڤ بزاڤه ب پیلانا پارتىیا ئاکەپهیا دەسەڵاتدار ناڤدبەن بۆ هەڵوەشاندنا پارتا وان.
بەکر شاهین سەرۆکێ داواكارێ گشتیێ کۆمارییا تورکیا راگەهاندییه كو سەرجەم بڕیارێن دۆسیە و لێدوانێن بەرپرسێن هەدەپێ دناڤ دۆسیەێدا هەیە، کو زێدهتر ژ ٨٠٠ لاپەرانه، تێدا داخوازى هاتیه كرن، كو قەدەغەییا کارێ سیاسیی بێخیته سەر ٤٥١ کەسان و رێكارێن پێدڤى ل بەرامبەر هەژمارەێن بانکیێن هەدەپێ بگرن.
دادگهها دەستورییا تورکیاژ ١٥ ئەندامان پیکدهێت و بۆ داخستنا هەر پارتهكا سیاسی ل وى وهڵاتى پێدڤییه ١٠ ئەندام دەنگبدەن و رازی بن ب وێ بریارێ.
ئەڤه د دهمهكیدایه، دادگهها دەستووری ب ئهگهرێ ههبوونا کێماسییان د ئهڤ ساله دا دو داخوازى بۆ داخستنا هەدەپێ رەتکرینهڤه،کو ژ لایەنێ داواکارێ گشتىێ ئەوى وهڵاتى ڤه هاتبوونه پێشکەشکرن.
