رێڤەبەرێ بازرگانیا ئاهێن خوارنێ ل پارێزگەها دهۆکێ تایبەت بۆ خانی نیوز گۆت: ل حه‌فتییا بورى نڤیسارەکا فەرمی گەهشتیە رێڤەبەریا وان کو مادێن ئاهێن خوارنێ دێ هێنە زێدەکرن، کو ئەو ژی نیسك و نوك و فاسۆلى و تەماته نە، گۆت ژی هەرگاڤا بریارا دابەشکرنێ گەهشتە دەستێ وان دێ هێنە دابەشکرن ل سەر وەلاتیان.
نیهاد حسێنى گۆت ژی، بەهرا وى برنجێ بۆ پارێزگەها دهۆکێ دهێتە هنارتن هاتییە ب سەر رێڤەبەریا وانڤە، کو بەری نها گرێدایى سایلۆیێ بوو، گۆت ژی: دەمەکێ درێژە برنج ب خەلکێ نەهاتییە دان لێ ژ نها وێڤە ئەڤ ئاریشە نامینیت و بۆ ڤێ مەهێ ژی دێ برنجێ سەقەر زەهەبی ده‌نه وه‌لاتیان.
