شانده‌كێ ئێكه‌تییا ژوورا بازرگانییا هه‌رێمێ پشكدارى د كۆربه‌ندێ ئیزمیرێ دا كر

كۆربه‌ندێ ئابووری یێ ئیزمیر ل توركیا دوهى ده‌ست پێكرییه‌ و شانده‌كێ ئێكه‌تییا ژوورا بازرگانى و پیشه‌سازىیا هه‌رێما كوردستانێ ژى پشكدارى تێدا كرییه‌ و بریاره‌ چه‌ندین كۆمبوونان ساز بكه‌ن.

شاندێ هه‌رێمێ ژ سه‌رۆكێ ژوورا بازرگانییا هه‌ولێرێ و دهۆكێ و سلێمانىێ و هژماره‌كا بازرگانێن هه‌رێما كوردستانێ پێكهاتبوون، ئه‌نجامدانا ڤى كوربه‌ندى ژ پێخه‌مه‌ت موكومكرنا په‌یوه‌ندییان و لێكگۆهارتنا بیرۆبوچوونان و ب هێزكرنا په‌یوه‌ندییان بوویه‌ ژلایێ ئابوورى و بازرگانى ڤه‌.

ئه‌ڤ كۆربه‌ندێ ئابوورى هاتبوو راوه‌ستان ژبه‌ر به‌لاڤبوونا ڤایرۆسێ كۆرۆنایێ، به‌لێ ره‌وش جاره‌كا دى یا د ڤه‌گه‌ریته‌ ڤه‌، هه‌رێما كوردستانێ ژبۆ ڤه‌ژاندنا ئابوورێ كوردستانێ و گرنگیدان ب كه‌رتێ بازرگانى و پیشه‌سازى و موكومكرنا په‌یوه‌ندیێن ئابوورى ل گه‌ل وه‌لاتێن ده‌وروبه‌ر.