پڕوژێ گەشتیاری سەید غەزال ل سەر ڕووبەرێ چارسەد دونەمێن ئەردی ل ده‌ڤەرا باتیفا ئەڤرۆ ب ڕوویێ گەشتیاران دا هاتە ڤەکرن، ئه‌ڤ پرۆژه چەند بەشان ب خوە ڤەدگریت و تانوکە ب ڕێژەیا ٥٩٪ێ تەمام بویە .
خودانێ پڕوژەی، ئیبراهیم مەشهود گولی بو خانی نیوز ڕاگەهاند؛ پڕوژەیێ سه‌ید غەزال ل سەر ڕووبەرێ 400 دونەمێن ئەردی هاتیە ئاڤاکرن و ژچەند بەشان پێکدهێت وەک هوتێل و موتێل باخچە، کافتیریا، مەلەڤانگەهێن بچووک و مەزنا و زێدەباری نێزیکی پازدە هزاردارێن بەرهەمدار هاتیە کەسک کرن دگەل دوو بەنداڤا.
ئیبراهیم مەشهود گولی گوت ژى؛ ڕاستە کەرتێ تایبەتە، لێ دەلیڤا کاری بۆ دەهان گەنجێن دەڤەرێ هاتیه دان كو ببنە خودان داهاتەک هەیڤانە و دیسان بۆ ب هێزکرنا ئابورێ وەلاتی ژ ڕوویێ گەشتیاری ڤە گرنگیا خوە هەیە، هەتا نوکە ب کوژمێ پێنج ملیۆن دۆلارێن ئەمریکی لێ هاتینە مەزاختن و ب ڕێژەیا ٥٠٪ێ کارتێداهاتیە کرن و د نوکە دا ئەو بەشێ تەمام بووى ڤەکریە و خەلک دشێن دەمێ خوە لێ ببورینن .
