<h3 style="text-align: justify;"><span style="font-size: 18pt;"><strong> </strong></span><span style="font-size: 18pt;"><strong>فیدراسیونا ته‌پاپێ یا ئیسپانی ب فه‌رمى ده‌مێ ده‌سپێكرنا وه‌رزێ نوویێ لالیگا و جاما شاهـ و جامى سوپه‌ر ودیاركر رۆژا چارشه‌مبیا بهێت تیروپشكا وه‌رزێ نوویێ لالیگا دێ هێته راكێشان.</strong></span></h3> <h3 style="text-align: justify;"><span style="font-size: 18pt;">ل دووڤ به‌یاناما ته‌پا پێ یا ئیسپانى وه‌رزێ نوویێ لالیگا ل رۆژا 15 هه‌یڤا هه‌شت ده‌سپێدكه‌ت و گه‌را دووماهیێ یا خولێ ل رۆژا 22 هه‌یڤا پێنچ یا سالا داهاتى برێڤه‌دچیت، وبریاره تیروپشكا وه‌رزێ نوو یێ لالیگایێ ل رۆژا چارشه‌مبییا بهێت دێ هێته‌راكێشان، هه‌ر چه‌نده ل سالا بورى یا تیروپشكێ ل ناڤه‌راستا هه‌یڤا حه‌فت دێ هێته راكێشان .</span></h3> <h3 style="text-align: justify;"><span style="font-size: 18pt;">ریال مه‌دریدێ داخازا كرییه سێ یاریێن ئێكێ ل وه‌رزێ نوو ژ ده‌رڤه یێ یاریگه‌ها سانتیاگۆ بێرنابیۆ بكه‌ت، چونكى هێشتا كارێ نیژه‌نكرنا یاریگه‌هێ مایییه و بریاره ل 11 هه‌یڤا 9 ب فه‌رمى یاریگه‌هێ ڤه‌كه‌ن به‌رى كو هه‌ڤركییا قوناغێن كومه‌لێن چامپیۆنزلینگ ده‌سپێ بكه‌ت.</span></h3> <h3 style="text-align: justify;"><span style="font-size: 18pt;">وه‌رزێ نوویێ لالیگایێ ل 22 هه‌یڤا پێنچا سالا بهێت دێ دوماهیك هێت، هه‌ر دوى ده‌مى دا فیدراسیونا ئیسپانیا ده‌مێ یاریا دوماهیێ یا جامى شاى ئیسپانى دیار كرییه ئه‌ڤ یارییه ل رۆژا 23 هه‌یڤا چار یا سالا بهێت ل یاریا لاكارتوخاى سێڤییا ل هه‌رێما ئه‌نده‌لوس دێ هێته كرن.</span></h3> <h3 style="text-align: justify;"><span style="font-size: 18pt;">ژبلى لالیگایێ كۆپا دێل رێى، فیدراسیون ده‌مێ قوناغا به‌رى دوماهیێ یا جاما سوپه‌ر دیاركرییه و یارى ل 12 هه‌یڤا ئێك بهێنه كرن و یاریا دوماهیێ ژى 16 وێ هه‌یڤێ دێ هێته كرن كو بریاره سه‌رجه‌م یاریێن جاما سوپه‌ر كو ل سعودیێ بهێنه كرن، كو ئاتلێتیكۆ مه‌درید د وه‌رزێ بوریدا ناسناڤ بربوو.</span></h3> <h3 style="text-align: justify;"></h3>
