<h3 style="text-align: justify;"><span style="font-size: 18pt;">ده‌سته‌یا حه‌شدا شه‌عبى راگه‌هاند؛ هێرشا ئه‌مریكا بۆ سه‌ر هێزێن حه‌شدا شه‌عبى ل رۆژئاڤایێ ئیراقێ ئیدانه دكه‌ین و ل گوره‌ى یاسایێ دێ به‌رسڤا وان هێته دان.</span></h3> <h3 style="text-align: justify;"><span style="font-size: 18pt;">حه‌شدا شه‌عبى ده‌رباره‌ى هێرشا ئه‌مریكا بۆ سه‌ر هێزێن حه‌شدا شه‌عبى ل رۆژئاڤایێ پارێزگه‌ها ئه‌نبار راگه‌هاندنه‌ك به‌لاڤكر و تێدا هاتییه؛</span></h3> <h3 style="text-align: justify;"><span style="font-size: 18pt;">ل ده‌مژمێر دو یێ به‌رێ سپێدێ فرۆكێن ئه‌مریكا ب دوورى یا 13 كیلۆمه‌ترا هێزێن مه كرینه ئارمانج.</span></h3> <h3 style="text-align: justify;"><span style="font-size: 18pt;">د راگه‌هاندنێ دا هاتییه ژى؛ چار چه‌كدارێن حه‌شدا شه‌عبى هاتینه كوشتن و هیچ یه‌ك ژ وان بنگه‌هێن هاتینه بومبه‌باران كرن كوگه‌هـێن چه‌ك و ته‌قه‌مه‌نییان نه‌بوون- ئه‌و بانگه‌شا ئه‌مریكا راگه‌هاندى كو كوگه‌هێن چه‌كى ژناڤبرینه دووره ژ راستیێ.</span></h3> <h3 style="text-align: justify;"><span style="font-size: 18pt;">حه‌شدا شه‌عبى ئاشكرا ژى كر؛ هێرشا ئه‌مریكا بۆ سه‌ر هێزێن مه ئیدانه دكه‌ین و رێكارێن یاسایى بۆ به‌رسڤدانا ڤێ هێرشێ دێ گرینه به‌ر و دێ بكه‌رێن ڤێ كریارێ د چارچوڤێ ئاخا ئیراقێ دا سزاده‌ین.</span></h3>
