سهرۆكێ ئهمریكا راگههاند؛ ل دهمێ سهرۆكاتییا وى ئیران نابیته خودان چهكێ ئهتۆمى.
جۆ بایدن، سهرۆكێ ئهمریكا د چارچووڤێ كۆمبوونا خوه دا دگهل رۆڤین ریڤلن، سهرۆكێ ئسرائیلێ راگههاند؛ ل دهمێ سهرۆكاتییا وى ئیران نابیته خودان چهكێ ئهتۆمى.
د بهرامبهر دا سهرۆكێ ئسرائیلێ خوهشحالییا خوه دهربرى و راگههاند؛ ئهمریكا مهزنترین ههڤپهیمان و دۆستا ئسرائیلێ یه.
ئهو داخویانییا بایدنى ددهمهكى دایه كۆ ل 3 مههێن بوورى وهلاتێن 5+1 و ئیرانێ ب پشكدارییا نهراستهوخۆ یا ئهمریكا دهست ب ڤهگهراندنا ئهمریكا بۆ ناڤا رێكهفتنا ئهتۆمى كرییه پشتى ڤهكێشانا ئیدارا پێشتر یا ئهمریكا ب سهرۆكاتییا دۆنالد ترامپى ژ وێ رێكهفتنێ.
رێكهفتنا ئهتۆمى یا ئیرانێ و وهلاتێن 5+1 ل دهستپێكا نیسانا سالا 2015ێ ل باژێرێ سویسرا هاته ئیمزاكرن و لگورهى وێ رێكهفتنێ پێدڤى یه ئیران دهست ژ درۆستكرنا چهكێ ئهتۆمى بهردهت و د بهرامبهر دا ئهمریكا دێ سزایێن سهر وى وهلاتى كێم كهت.
