سێ ژ گه‌رمترین ده‌ڤه‌رێن جیهانێ دكه‌ڤنه‌ عیراقێ

وه‌زاره‌تا ساخله‌می و ژینگه‌ها ئیراقێ راگه‌هاند، گوهۆرینا ژینگه‌هێ كارتێكرن لسه‌ر ساخله‌میا گشتىیا مرۆڤى دكه‌ت، دوپاتدكه‌ت سێ ده‌ڤه‌رێن ئیراقێ  ژ گه‌رمترین ده‌ڤه‌رن ل جیهانێ كو به‌سره‌ و فاو و عوماره‌.

جاسم فەلاحى، بریكارێ وه‌زیرێ ساخله‌میێ راگه‌هاند: سێ ده‌ڤه‌رێن ئیراقێ د ناڤ لیستا گه‌رمترین10 وه‌لاتێن جیهانێیه، ئه‌ڤه‌ ژ ئه‌گه‌رێ كێمیا گیایى و كێمیا رێژا بارانبارینێ و ژێده‌رێن ئاڤى یه‌ و گۆت: زێده‌تر ژ 90% ژێده‌رێن‌ ئاڤێ ژ ده‌رڤه‌ دهێن ژ ئه‌گه‌رێ گوهۆرینا سه‌قایى و زۆربوونا هه‌لمێ ئه‌و ژێده‌ر كێمبووینه‌، سه‌ره‌راى سیاسه‌تا وان وه‌لاتێن ژێده‌رێن ئاڤێ هه‌ى ب رێكا دروستكرنا به‌نداڤان كارتێكرن كریه‌ سه‌ر پشكا ئاڤێ.

گوتژى: بلندبونا پلێن گه‌رمێ  كاۆتێكرن لسه‌ر ساخله‌میا گشتى هه‌یه، چونكه‌ ئه‌گه‌ر پلێن گه‌رمێ ژ 50 پلا زێده‌تربوو دێ كارتێكرنێ لسه‌ر فیزیایا له‌شى كه‌ت، هه‌روه‌سا كارتێكرنێ لسه‌ر ئاڤا ڤه‌خۆارنێ كه‌ت، ئه‌ڤه‌ ژى دێ كارتێكرنێ لسه‌ر كوئه‌ندامێ هه‌رس و هه‌ناسا مرۆڤى دروست كه‌ت.