وەزیرێ کارەبێ:پروژێ هایدروپاوەرێ دێرەلوکێ هه‌تا داویا ئه‌ڤ ساله‌ دێ كه‌فیته‌ كارى

خانى نیوز،هەیوار ستار

وەزیرێ کارەبێ سەرەدانا پروژێ هایدروپاوەرێ  دێرەلوکێ کر، وراگەهاند،كو هه‌تا دووماهییا ئەڤ سالە، پروژە دێ کەڤیتە کاری.

کەمال محمد وەزیرێ کاڕەبێ و د. عەلی تەتەر پارێزگارێ دهوکێ سەرەدانا پروژێ هایدروپاوەرێ گەلیێ رەشاڤە ل  ناحیا دێرەلوکێ کر و راگەهاند،  پروژێ هایدروپاوەرێ  دێرەلوکێ هه‌تا دووماهییا ئەڤ سالە دێ کەڤیتە کاری، وئەڤی پروژەی دو یەکەیێن بەرهەمئینانێ هەنه‌ وهەرئێک ژوان 18.5مێگاواتێن کارەبێ بەرهەم دئینن.

وەزیرێ کارەبێ دیار ژی کر، ئەڤ پرۆژە (85%) تەمام بوویە وبریار ئەوە هه‌تا دووماهییا ئەڤ سالە شیانێن 37 مگاواتێن کارەبێ بەرهەم بینن وبکەڤیتە کاری  وب تورا نشتیمانی یا کارەبێ  ڤە بهێتە گرێدان.

پروژێ هایدرو پاوەرێ گەلیێ رەشاڤە ل سنورێ ناحیا  دێرەلوکێ ل سەر قەرێن یابانی ب گوژمێ (129)ملیون دۆلاران ژلایێ دو کومپانیایێن  ئیرانی ب سەرپەرشتییا وەزارەتا کارەبێ و کۆمپانیایەکا  ئیتالی دێ هێتە بجهئینان.