ماستەر پلانا شنگالێ تا نها حبرێ ل سه‌ر كاغه‌زێ یه‌

خانی نیوز، سەعد عاسف

مەحما خەلیل، قایمقامێ شنگالێ، حكومه‌تا ئیراقێ چ نه‌كرییه‌ بۆ ماستەر پلانا شنگالێ، رێگریكرن ژلایێ حه‌شدا شه‌عبى و په‌كه‌كێ ڤه‌ بەردەوامن بۆ ماستەر پلانێ وئیران ژی یا رازى نینه‌.

مه‌حما خه‌لیل بۆ خانى نیوز راگه‌هاند : “نوكە ژی پەكەكە و حەشدا شەعبی یێ‌ هەموو هەولا ددەن بۆ لاوازكرنا دەنگێن خەلكێ‌ شنگالێ، لەورا ژی خەلكێ‌ شنگال پێدڤییە نەهێنە خاپاندن داكو مافێن وان بهێنە ب دەستڤەئێنان ل حكومەتا عێراقێ.
قایمقامێ‌ قەزا شنگال: “ئێدارا شنگال بەرنامە و ماستەر پلانەكا باش بۆ ئاڤەدانیا شنگال دانابوو لێ‌ هەتا ئەڤرۆ بەرنامە و ماستەر پلانا ئاڤەدانیا شنگال نەچوویە واری بجهئێنانێدا، ژبەر كو ل شنگال چ قانوون نینە، بەلكو پەكەكێ‌ و حەشدا شەعبی دەستێ‌ خۆ داناینە سەر شنگال و ئاستەنگە بۆ زڤرینا قانوونێ ل شنگال دروست دكەت، چونكى د بەرژوەندیا وان دایە ئاوارێن شنگال نەزڤرنە سەر جهێن خۆ و پەكەكە و حەشدا شەعبی ناهیلن شنگال بهێتە ئاڤەدانكرن، داكو شنگال هەر بن دەستێ‌ واندا بمینت، لەورا ژی ئاستەنگ بۆ ئاڤەدانیا شنگالێ دروست دكەن.