لیژنهیێن یاسایی، دارایی، وزێ و سامانێن سروشتیی ل پەرلەمانێ کوردستانێ ب مەرهما دابەشکرنا مووچەیێ فەرمانبەران د دهمێ دیاركریێ خوهدا و ب بێ لێبڕین، راسپاردە ئاڕاستەی حکومەتێ کرییه و داخوازا پێداچوونەڤهیا و هووبینیکرن ب خەرجیێن کۆمپانییا نەفت و دەریێن سنووریێن هەرێما کوردستانێ دکەن.
دراسپاردەیێن پەرلەمانیدا کو بڕیارە رادەستی حکومەتێ بهێته كرن هاتییه، ” كو حکومەت لهزێ بکهت د ئەنجامدانا چاکسازیێ د دۆسیەیێن نەفتێ و ل دووڤ رێکارێن یاسایی، ب شێوەیەکى ل کرێ و خەرجێن کۆمپانیێن نەفتێ، ب ئاراستەییا هندێ خەرجیێن نەفتێ کو (58٪) بهێته کێمكرن و زۆرترین داهاتێ نەفتێ بۆ حکومەتێ بڤهگەڕێتهڤه، ژبهر هندێ داخواز دكهین، رێکخستن د گرێبەستێن نەفتێدا بهێنه كرن، هەروەسا کەرتێ نەفتێ بەرەڤ پێشەسازی بهێته برن، ئهڤه ژى دێ هاریكارهك بیت بۆ حكومهتێ و بهردهستبوونا داهاتهكێ زێدهتر بۆ دانا مووچهیێ مووچهخوران و ب بێ لێبرین.
و ئاماژه دایه، كو ل گومركێن فهرمى و نهفهرمى وهكى پێدڤى داهات بۆ حكومهتێ كۆمڤه نابیت و ڤهناگهریتهڤه بۆ خزینهیا حكومهتێ،ژبهر هندێ داخوازێ ژ حكومهتا ههرێما كوردستانێ دكهین پێنگاڤێن جدى و ب لهز بهاڤێژیت بۆ كونترۆلكرنا دهریێن سنوورى بۆ ئینانا كهل و پهلان ب رێكێن قاچاغ، ئهڤهژى دێ وهكهت كو داهات زێده بیت.
د راسپاردێ دا دیاركرییه ژى، كو كۆمڤهكرنا باجێ دادپهروهرانه نینه دناڤبهرا پارێزگههاندا، پێدڤییه جڤاتهكا ههڤپشك بهێته دروستكرن بۆ دانانا ستراتیژییهتا باجێ ههتاكو ڤالاتی د كومهلگههێ دا دروست نهبیت، ئهڤ جڤاته دناڤبهرا ههر ئێك ژ وهزارهتا دارایى و ئابوورى و بازرگانى و پێشهسازى و دهستهیا وهبهرهێنانێ بۆ هندێ سیاسهت و سیستهمهكێ رێكخراو ههبیت ژ وهرگرتنا باجێ.
