هه‌سه‌ده‌: توركیا نه‌شێت ل ده‌ڤه‌رێن داگیركری بمینیت

فه‌رماندارێ هێزێن سووریا دیموكرات، توركیا نه‌شێت ل ده‌ڤه‌رێن داگیركری یێن رۆژئاڤایێ كوردستانێ و باكورێ سووریا بمینیت.

مه‌زلوم عه‌بدی، فه‌رماندارێ هێزێن سووریا دیموكرات راگه‌هاند: ده‌رئێخستنا توركیا و گرۆپێن چه‌كدار ژ ده‌ڤه‌رێن داگیركری گرێدایه‌ ب ده‌مێ بهێزبوونا هه‌سه‌دێ و هاریكاریا خه‌لكێ ده‌ڤه‌رێ دگه‌ل هێزێن وان.

مه‌زلوم كۆبانى دیاركر، مانا هێزێن توركیا ل رۆژئاڤایێ كوردستانێ و باكورێ سووریا ب تنێ ده‌مكی یه‌ و چ ئه‌گه‌ر بۆ  به‌رده‌وام بوونا وان نینن.

توركیا ب هه‌ماهه‌نگی دگه‌ل گروپێن چه‌كدارێن ئۆپۆزسیۆنا سووریا ل سالا 2018 عه‌فرین و ل سالا 2019 هه‌ردو باژارۆكێن سه‌رێ كانیێ و گرێ سپی داگیركرینه‌.