هنارتیێ سه‌رۆكێ رۆسیا بۆ كاروبارێن سووریا راگه‌هاند؛ دبیت ڤه‌كێشانا هێزێن ئه‌مریكی ژ رۆژئاڤایێ كوردستانێ و سووریا بیته ئه‌گه‌ر دیالۆگا دناڤبه‌را رێڤه‌به‌ریا خوه‌سه‌ر و حكومه‌تا سووریا دا ب ساناهیتر بیت.
ئه‌لیكسانده‌ر لاڤرێنتیڤ، هنارتیێ تایبه‌ت یێ ڤلادیمیر پوتین بۆ كاروبارێن سووریا راگه‌هاند؛ مۆسكۆ پێشبینی دكه‌ت شه‌رێ دژی پاشماوه‌یێن داعشێ ل باكورێ رۆژهه‌لاتێ سووریا بوویه ئه‌گه‌ر كو ئه‌مریكا ل ناڤچه‌یێ بمینیت، لێ ئه‌و مان یا زێده‌یه و ڤه‌كێشانا سوپایێ ئه‌مریكا ل رۆژئاڤایێ كوردستانێ دێ بیته ئه‌گه‌رێ زێده‌بوونا دیالۆگا دناڤبه‌را هێزێن سووریا دیموكرات و حكومه‌تا ناڤه‌ندی یا دیمه‌شقێ ب مه‌به‌ستا دیتنا چاره‌یه‌كا رازیبوونا هه‌ردو ئالییان بیت، هه‌روه‌سا داكو كورد و عه‌ره‌بێن ل وی وه‌لاتی د سووریایه‌كا ئێكگرتی دا بژین.
ئه‌لیكسانده‌ر لاڤرێنتیڤ گه‌شبینییا خوه ب ڤه‌كێشانا هێزێن بیانی ژ رۆژئاڤایێ كوردستانێ و ناڤچه‌یێن لبن ده‌ستهه‌لاتا رێڤه‌به‌ریا خوه‌سه‌ر دیاركر و گۆت: دۆستێن وان یێن تورك دوپات كریه مانا وان ل سووریێ ب تنێ ده‌مكی یه.
دیار ژی كر، ئیرانێ د 10 سالێن بووری دا رۆله‌كێ باش د شه‌رێ ل دژی تیرۆرێ دا گێرایه لێ نها سوپایێ سووریا بخوه دشێت ئێمناهیێ بۆ وه‌لاتێ خوه په‌یدابكه‌ت.
