پارێزگارێ دهۆکێ سەرەدانا پەرلەمانێ ویلایەتا باکۆرێ ئاڤا راین کر

 د چارچووڤێ سەرەدانا خوه‌ یا فەرمیدا بۆ کۆمارا فیدرالی یا ئەلمانیا بەرێز “د.عەلی تەتەر” پارێزگارێ دهۆکێ،ئەڤرۆ رۆژا دووشەمبی ٢٠٢١/٧/١٢ سەرەدانا پەرلەمانێ ویلایەتا باکۆرێ ئاڤا راین کر و ژ لایێ خانم “کارینا گۆدیکا” جێگرا سەرۆکێ پەرلەمانی ڤە هاتە پێشوازیکرن.

دسەرەنێدا جێگرا سەرۆکێ پەرلەمانێ ویلایەتا باکۆرێ ئاڤێ راین ب گەرمی پێشوازیا پارێزگارێ دهۆکێ کر سلاڤورێزێن سەرۆکێ پەرلەمانی گەهاندنە پارێزگارێ دهۆکێ و سۆپاسیا خەلکێ پارێزگەها دهۆکێ کر کو مالێن خۆ کرینە پەناگەهـ بۆ ئاوارەوپەنابەرێن عیراق و سوریا و ب تایبەتی ددەمێ به‌رهنگاربوونا تیرورستێن داعش دا و راگەهاند پارێزگەها دهۆکێ وەکی قۆتابخانەکێ لێ هاتییە بۆ پێکڤەژیانێ کو مرۆڤ ژێ فێرببیت.