سه‌نته‌ره‌كێ دانانا ڤاكسینى ل كه‌مپا دومیز هاته‌ ڤه‌كرن

رێڤه‌به‌رێ گشتیێ ساخله‌میا پارێزگه‌ها دهۆكێ راگه‌هاند: ب هاریكارى و پالپشتیا چه‌ندین رێكخراوێن بیانى سه‌نته‌ره‌كێ دانانا ڤاكسینى ل كه‌مپا دومیز هاته‌ ڤه‌كرن.

د.ئه‌فراسیاب موسا رێڤه‌به‌رێ گشتیێ ساخله‌میا پارێزگه‌ها دهۆكێ راگه‌هاند: نێزیكى 600 هزار په‌نابه‌ر و ئاواره‌ ل پارێزگه‌ها دهۆكێ هه‌نه‌ و هه‌تا نوكه‌ 1000 كه‌سان ژ ئاواره‌ و په‌نابه‌ران ڤاكسین وه‌رگرتیه‌.

د.ئه‌فراسیاب موسا گۆت ژى؛ پێلا سیێ ده‌سپێكرییه‌ و گه‌له‌ك بله‌ز یا به‌لاڤدبیت ژ ئه‌گه‌رێ نه‌پێگیربوونا وه‌لاتیان ب رێنمایێن ساخله‌میێ پێشبینى دهێته‌كرن رۆژێن بهێت دا هه‌ژمارا تووشبوویان زێده‌تر‌بیت.

رێڤه‌به‌رێ گشتیێ ساخله‌میا پارێزگه‌ها دهۆكێ دیاركر: ل سه‌رانسه‌رى پارێزگه‌ها دهۆكێ 18 بنگه‌هێن ساخه‌میێ یێن دانانا ڤاكسینى هه‌نه‌ و ڤه‌كرنا ئه‌ڤى بنگه‌هى ژى دێ خزمه‌ته‌كا باش پێشكێشى ره‌وشا ساخله‌میێ كه‌ت تایبه‌ت بۆ ئاواره‌ و په‌نابه‌رێن پارێزگه‌ها دهۆكێ.