داعش نیازبوو كریاره‌كا تیرۆرستى ل هه‌ولێرێ ئه‌نجام بده‌ن

رێكخراوا تیرورستیا داعش ،مژوولى رێكخستنا رێزێن خوه‌نه‌ ژبۆهندێ ب رێكا شانێن خوه‌ هێرشێ بكه‌نه‌ سه‌ر باره‌گایێن ئه‌منى ل عیراقێ.

رۆژناما گاردیان ژ زارده‌ڤێ هنده‌ك ژێده‌رێن ئه‌منى g ئیراقێ دیار كر: تیرورستێن داعش ب رێكا  دانانا خالا پشكنینا ئه‌منى، به‌رپرسێن ئه‌منى و سه‌ربازى ل عیراقێ  دكه‌نه‌ ئارمانج و جودا ژ هندێ تاوه‌رێن كاره‌بێ و وێستگه‌هێن  په‌ترۆلی دپه‌قینن، د هه‌مانده‌مدا داعش ل شكه‌فت و جهێن چیایى دگه‌رن تا ببنه‌ جهێ ڤه‌حه‌ویانا وان، و به‌رده‌وام د لڤینێ دانه‌ داهاته‌ك ده‌ست بكه‌ڤیت و هێرشێن تیرورستى پێ ئه‌نجام بده‌ن.

ئاماژه‌ ب هندێ ژى كر،  تیرورستێن داعش چاڤه‌رێى ده‌رڤه‌ته‌كێ دكه‌ت بۆ كنترۆلكرنا ده‌ڤه‌رێن به‌رى نوكه‌ لبن كونترولا وێ، هه‌روه‌سا ره‌وشا ئیراقێ د مه‌ترسیێ دایه‌  ئه‌گه‌ر هه‌ڤپه‌یمان و ئه‌مریكى د عیراقێ دا نه‌بان، عیراق داكه‌ڤیته‌ ره‌وشه‌كا ئێكجار ئالوز و ب زه‌حمه‌ت شیابان كنترۆل بكه‌ن.

ئیڤاریا دوهى هێزێن دژه‌تیرورا كوردستانێ ده‌سته‌سه‌ركرنا  گرووپه‌كێ  داعش راگه‌هاند، كو نیازبوو ل باژێرێ هه‌ولێرێ كریاره‌كا خۆكوژى تیرورستى ئه‌نجام بده‌ن.