بریتانیا رێكارێن ساخله‌می یێن كۆرۆنایێ راكرن

سه‌ره‌راى زێده‌بوونا رێژا توشبوویێن كۆرۆنایێ، بریتانیا زۆربه‌یا رێكارێن ساخله‌مى یێن گرێدایى ب نه‌خۆشیا كۆرۆنایێ ڤه‌ راكرینه‌، خه‌لكى ئه‌ڤ رۆژه‌ ب (رۆژا ئازادیێ) ب ناڤبرییه‌.

پشتى راكرنا رێكاران، هۆلێن ئاهه‌گان، یاریگه‌هـ و یانه‌یێن شه‌ڤێ دێ دووباره‌ ده‌رگه‌هێن خوه‌ ڤه‌كه‌ن و لبه‌ركرنا به‌رده‌ڤكێ ل جهێن گشتى نامینیت.

ژ ئه‌گه‌رێ ڤایرۆسێ كۆرۆنایێ زێده‌تر ژ 128 هزار و 600 كه‌س ل بریتانیا مری نه‌، بریتانیا ل رێزا ئێكێ دهێت دناڤ وه‌لاتێن ئه‌ورۆپا دا بو ژمارا توشبوویێن كۆرۆنایێ و د رۆژێن بوورى دا حكومه‌تا وى وه‌لاتى كه‌ره‌نتینكرنا بوریس جۆنسۆن سه‌رۆك وه‌زیرێن بریتانیا و ریچی سۆناك وه‌زیرێ دارایى یێ وى وه‌لاتى راگه‌هاندییه‌.