ئه‌مریكا: دێ پشته‌ڤانییێ د ئاڤاكرنا پاشه‌رۆژا ئیراقێ دا كه‌ین

بالیۆزخانا ئه‌مریكا ل به‌غدا په‌قینا باژارێ سه‌در شه‌رمزاركر و راگه‌هاند؛ دێ پشته‌ڤانییا هه‌ڤپشكێن خوه‌ یێن ئیراقێ كه‌ن د ئاڤاكرنا پاشه‌رۆژه‌كا ئارام دا.

بالیۆزخانا ویلایه‌تێن ئێكگرتی یێن ئه‌مریكا ل به‌غدا ئه‌ڤرۆ د به‌یانه‌كێ دا راگه‌هاند؛ خه‌مگینییا خوه‌ ل هه‌مبه‌ر هێرشا سه‌ر باژارێ سه‌در ل پارێزگه‌ها به‌غدا دیاردكه‌ن كو ئه‌و هێرشا تیرۆری بوویه‌ ئه‌گه‌رێ تێكدانا جه‌ژنا قوربانیێ.

بالیۆزخانا ئه‌مریكا د به‌یانا خوه‌ دا دیار كرییه‌، سه‌ره‌خۆشیێ ل كه‌س و كارێن قوربانیێن وێ هێرشی دكه‌ن و داخوازا زوی چاره‌سه‌ربوونا برینداران دكه‌ن و دوپات كرییه‌، دێ پشته‌ڤانییا هه‌ڤپشكێن خوه‌ یێن ئیراقی كه‌ن ده‌ما كو وه‌لاتی ل پاشه‌رۆژه‌كا گه‌ش و ئارام و ژناڤبرنا داعشێ دنێرن.