سه‌رۆك بارزانی ئیدانا هێرشا تیرۆری یا بازارێ سه‌در ل به‌غدا كر و راگه‌هاند؛ ئه‌و تاوانه نیشانا بێوژدانی و نه‌مرۆڤبوونا تیرۆریستا یه.
ده‌قێ په‌یاما سه‌رۆك مه‌سعود بارزانی:
زۆر ب توندی ئیدانا هێرشا تیرۆری یا بازارێ سه‌در ل به‌غدا دكه‌م كو هێرش كرینه سه‌ر وه‌لاتیێن بێ تاوان و ب ده‌هان كه‌س بووینه شه‌هید و قوربانی، ئه‌و تاوانه نیشانا بێوژدانی و نه‌مرۆڤبوونا تیرۆریستانه كو د وێ رۆژا عه‌ره‌فێ دا خه‌لكێ ئاماده‌كاریێن جه‌ژنێ دكرن و تاوانه‌كا ب وی شێوه‌ی هاته كرن، ئه‌و دوژمنێن دین، مرۆڤاتی و پیرۆزیانن و ژ هه‌موو پیرۆزیان د شویشتی نه و پیدڤییه باجا وان تاوانان بده‌ن.
سه‌رۆك بارزانی د پشكه‌كا دی یا په‌یاما خوه دا گۆتییه: سه‌ره‌خۆشیێ ل خێزانێن كه‌س و كارێن قوربانییا دكه‌م و دلێ من د گه‌ل خه‌م و ئازارێن وانه و خوه ب هه‌ڤپشكێ خه‌ما وان دزانیت، داخواز ژ خودایێ مه‌زن دكه‌م سه‌بر و ئارامی بۆ خێزانێن وان بیت و داخوازا چاره‌سه‌ریێ بۆ برینداران دخوازم.
