رێڤهبهرێ دهرگههێ سنووریێ حاجى ئومهران مهسعود باتێلى، دیاركر كو هاتن و چوونا گهشتیاران دناڤبهرا ههرێما كوردستانا عێراقێ و ئیرانێ دا راوهستیایه.
باتێلى راگههاند، مه رێككهفتن كربوو دگهل لایهنێ ئیرانى ل سهر راوهستاندنا لێكگوهارتنا بازرگانى ل رۆژا ئێكێ یا جهژنا قوربانییا پیرۆز، و ژبلى رۆژا ئێكێ یا چهژنێ، لڤینا بازرگانى دناڤبهرا ههردوو لایهناندا یا بهردهوام بوو و ههتا نوكه ژى یا بهردهوامه و بێى ئاستهنگ.
سهبارهت گهشتیاران ژى گۆت، لڤینا گهشت و گۆزارى یا راوهستیایه و ئیرانێ ئهڤ چهنده كرییه ژ ئهگهرێ كۆرۆنایێ، بتنێ هندهك كهس دشێن گهشتێ بكهن و د رهوشێن تایبهت دا، وهك نهساخى و بازرگانى و دبلوماسى.
و ئاماژه ژى دا كو ئیران ناهێلیت ژ ههردوو لایهنان هاتن و چوون بهێته كرن، بهلێ ئهم ل ههرێمێ مه چ ئاریشه نینه كو ئێك گهشتێ ژ ئیرانێ بكهت بۆ ههرێمێ یان ژ ههرێمێ بكهت بۆ ئیرانێ.
