سه‌رۆك بارزانى: خۆشحاڵم كو پشكه‌كا ده‌ڤه‌را هەورامان كره‌ د ناڤ لیستا شوونوارێن جیهانى دا

سەرۆک بارزانی پەیامه‌ک سەبارەت  بڕیاره‌کا ئەڤێ دوایێ یا ڕێكخراوا جیهانییا پەروەردەیی و زانستی و فەرهەنگی سەر ب ڕێكخراوا نەتەوێن ئێكگرتى (یونسكۆ) کو تێدا ئەو پشكا ده‌ڤه‌را هەورامان كو دكه‌ڤیته‌ ڕۆژهەڵاتا كوردستانێ، ئێخسته‌ ناڤ لیستا شوونوارێن گرنگێن مرۆڤایەتی، به‌لاڤكرییه‌.

دەقی پەیاما سه‌رۆك بارزانى:

ب ناڤێ خودایێ بەخشندە و میهرەبان 

بڕیاره‌کا ئەڤێ دوایێ یا ڕێكخراوا جیهانییا پەروەردەیی و زانستی و فەرهەنگی سەر ب ڕێكخراوا نەتەوێن ئێكگرتى (یونسكۆ) زۆر خۆشحاڵم كو ئەو پشكا ده‌ڤه‌را هەورامان كو دكه‌ڤیته‌ ڕۆژهەڵاتا كوردستانێ، ئێخسته‌ ناڤ لیستا شوونوارێن گرنگێن مرۆڤایەتی.

هەورامان ده‌ڤه‌ره‌كا گرنگا كوردستانێ یه‌، كو هه‌رده‌م ڕۆڵێ بەرچاڤ ل فەرهەنگ و ئەدەب و مێژوو و شۆڕش و سیاسەت و بزاڤا ڕزگاریخوازا كوردستانێدا هەبوویه‌.

بێگومان ئەو بڕیارا یونسكۆ ژى دەستكەفته‌كێ دیتره‌ بۆ خەڵكێ كوردستانێ و ده‌ڤه‌راهەورامان. ب ڤێ هه‌لكه‌فتێ پیرۆزباهیێ ل گەلێ كوردستانێ و خەڵكێ خۆشتڤیێ ده‌ڤه‌را هەورامان دكەم و هیڤیا ئارامی و پێشكەفتنا زێده‌تر بۆ دخازم.

مسعود بارزانی
٢٨ـی تیرمه‌ها ٢٠٢١