نێچیرڤان بارزانى سه‌رۆكێ هه‌رێما كوردستانێ، پشتى نیڤرۆیا ئه‌ڤرۆ 28 تیرمه‌ها 2021ێ پێشوازى ل هانسى ئیسكوبار بالیۆزێ ئیسپانیا ل عێراقێ كر.
سه‌رۆكێ هه‌رێما كوردستانێ، د دیدار دا خوه دگه‌ل بالیۆزێ ئیسپانیا كو ئه‌ركێن وى ل عێراقێ ب داوى هاتینه، داخوازا سه‌ركه‌فتنێ بۆ خواست د ئه‌ركێن وى یێن نوو دا، و سوپاسییا وى كر ژبه‌ر شیانێن وى و رۆلێ وى بۆ ب هێزكرنا په‌یوه‌ندیێن ئیسپانیا دگه‌ل عێراقێ و هه‌رێما كوردستانێ.
و ژلایه‌كێ دیڤه، په‌یوه‌ندیێن داهاتى یێن هه‌رێمێ و عێراقێ دگه‌ل ئیسپانیا هاتنه گۆتوبێژكرن، و ده‌لیڤێن وه‌به‌رهێنانێ و كاركرنا سه‌رمایه‌دارێن ئیسپانى ل هه‌رێمێ و ره‌وشا هه‌لبژارتنێن داهاتى یێن عێراقێ، و داوى پێشهات ل ده‌ڤه‌رێ و كومه‌كا بابه‌تێن دى هاتنه گۆتوبێژكرن.
