د، ئازاد عه‌بدولجه‌بار: کۆرۆنا زارۆکان ڤەدگریت و نیشانێن وێ بهێزن بەلێ نەبوویە نەخوشیەکا كوژەک

د.ئازاد عه‌بدولجه‌بار جێگرێ رێڤه‌به‌رێ نه‌خۆشخانا هیڤى دیار كر، كو ئەڤ جورێ نوو یێ كۆرۆنایێ پتر بەلاڤە دبیت و زۆر یێ دژواره‌ و ب شێوەیەکێ بەرچاڤ و ئاشکەرا بۆ هەموو جیهانێ دیاربوویە، کو زارۆکان ژی ڤەدگریت، هه‌تا ۱۲٪ ل ئەمریکا زارۆكن و ل دهۆکێ هه‌تا ۲٠٪ زارۆکن.

د.ئازاد عه‌بدولجه‌بار ئاماژه‌ دا،كو هەبوونا تایێ و کوخکێ و زکچوون و دلرابوون و پەرسیڤی و لەش ئێشانێ نوکە باراپتر کۆرۆنایە.

ئاشكرا ژى كر، دڤێتن هزر د ڤاکسیندانا زارۆکا ن ژی دا بهێتەکرن بەری دەستپێکرنا دەواما قوتابییان کو ڤاکسینا ڤایزەر نوكه‌ ل ئەمریکا بۆ زارۆکێن پتری ژیێ ۱۲ سالی دهێتە بکارئینان.

جێگرێ رێڤه‌به‌رێ نه‌خۆشخانا هیڤى دووپاتى كر، کۆرۆنا زارۆکان  ڤەدگریت و دبینین کو نیشان بهێزبن هه‌تا رادەیەکی بەلێ نەبوویە نەخوشیەکا كوژەک ل ده‌ڤ زارۆکان، بتنێ نەخۆشیەک هەیە یا مەترسیدارە ل نک زارۆکان ل پشتی کۆرۆنا دبێژنێ؛ هاودانێن بەربەلاڤ ل پشتی تمامبوونا کۆرۆنا ؛ زارۆک توشی تایەکا ئێک جار بلند و چاڤ سوربونێ و خلتەک ل سەر لەشی و ئیشانەکا ئیک جار بهێز ل هەموو لەشی دبیت و دبیتن هەموو سیستەمێن لەشی ب خوڤە بگریت ( ئەگەر تێکچونا سیستەمێ بەرگریا لەشییە پشتی کۆرۆنا ب دوماهیک دهێت)