كۆمسیۆنا بلندا هه‌لبژارتنێن ئیراقێ راگه‌هاند؛ ئه‌و كه‌سێ ل كۆمسیۆنێ كاردكه‌ت پێدڤییه هه‌لگرێ چه‌ندین خه‌سله‌تێن تایبه‌ت بیت داكو پرۆسا هه‌لبژارتنان ب رێكوپێكی برێڤه‌بچیت و 19 مه‌رج راگه‌هاندینه، ژ وان:
-
پابه‌ندبوون ب هه‌موو قانوونێن هه‌لبژارتنێن ئیراقێ، بنه‌ما، سیسته‌م و رێكارێن كۆمسیۆنێ و بجهئینانا وان ب شێوه‌یه‌كێ بێلایه‌ن و دادپه‌روه‌ر.
-
پێدڤییه ئه‌و ئه‌ركه ب شێوه‌یه‌كێ دروست بهێنه بجهئینان و پابه‌ندی پیشه‌یێ خوه بن.
-
نابیت كاره‌كی بكه‌ت كارتێكرنێن نه‌رێنی ل سه‌ر ناڤی كۆمسیۆنێ یان پرۆسه‌یا هه‌لبژارتنان بكه‌ت.
-
ئه‌رك و كارێن خوه ب ئه‌مانه‌ت و بێ جوداهی ل سه‌ر بنه‌مایێ ره‌گه‌ز، نه‌ته‌وه، ئایین، ره‌نگ و بیروباوه‌رێن سیاسی یان هه‌ر پیڤه‌ره‌كێ دی بكه‌ت.
-
بێلایه‌ن سه‌ره‌ده‌ریێ د گه‌ل ده‌نگده‌ر و بریكارێن قه‌واره‌یێن سیاسی، چاڤدێران، به‌ربژاران، راگه‌هاندن و پشكدارێن دی د پرۆسه‌یا هه‌لبژارتنان دا ب رێزگرتن و پیشه‌یی كاربكه‌ن.
-
پاراستنا زانیاری و به‌لگه‌نامه‌ییان د چارچۆڤێ پیشه‌یێ خوه دا
-
نابیت سه‌ر ب چ قه‌واره و رێكخستنێن سیاسی بیت
-
نابیت رێكارێن لێپرسین و دادپه‌روه‌ریێ ژ وان بگرن
-
نابیت نزیك بیت ژ به‌ربژاران (باب، دایك، خوشك، هه‌ڤژین، كوڕ، مام و خال)
-
پێدڤییه داتا ب سیسته‌مێ بایۆمه‌تری بهێنه تۆماركرن، ئه‌ڤه ژی د ده‌مێ سه‌نته‌رێ بایۆمه‌تری دا ده‌ستنیشان دكه‌ت.
-
پێدڤیه سه‌ره‌دانا سه‌نته‌رێن بایۆمه‌تری كربیت و كارتا بایۆمه‌تری یا ده‌نگدانێ وه‌رگرتبیت.
-
نابیت چ كار یان چالاكییان بكه‌ت كو ئاماژه بن بۆ پشته‌ڤانی یان دژاتییا ئالییه‌كێ دیاركری.
-
دوركه‌فتن ژ داخویانییان یان بۆچوون ل دۆر بابه‌ته‌كی ب ئاشكرای كو ره‌نگه ببیته پرسه‌كا سیاسی د هه‌لبژارتنان دا.
-
ئاشكراكرنا هه‌ر په‌یوه‌ندییه‌كێ كو دبیته ئه‌گه‌رێ دژایه‌تی یان به‌رژه‌وه‌ندییان.
-
ره‌تكرنا هه‌ر دیاری یان خزمه‌تگوزارییه‌كا كه‌سه‌كی یان قه‌واره‌یه‌كی كو كارتێكرن ل سه‌ر ره‌وتا هه‌لبژارتنان هه‌بیت.
-
ره‌تكرنا هه‌ر كارتێكرنه‌كا نه ژ هه‌ژى و رازی نه‌بوون ل سه‌ر رێنمایێن تایبه‌ت ب وه‌رگرتنا به‌رپرساتیێ ژ ئالییێ هه‌ر كه‌سه‌كی بیت ژ بلی به‌رپرسێ فه‌رمی نه‌بیت.
-
نڤێسینا راپۆرتان ب تایبه‌ت هه‌ر نووچه‌یه‌كا كارتێكرنا نه‌رێنی ل سه‌ر پاقژى و شه‌فافیه‌تا پرۆسه‌یا هه‌لبژارتنان هه‌بیت.
-
پاراستنا سامانێ وه‌لاتی كو د ستۆیێ وی دابیت یان ل ژێر كۆنترۆلا وی بیت ب تایبه‌ت ئامیره‌یێن ئه‌لیكترۆنی و مادده یێن لۆجیستی یێن كۆمسیۆنێ و بكارئینانا وان ب شێوه‌یه‌كێ باش ل گۆر رێنمایێن كۆمسیۆنێ.
