پشتی نیڤرۆیا ئهڤرۆ سێشهمبی” 2021/3/8 نێچيرڤان بارزانى، سهرۆكێ ههرێما كوردستانێ، پشتی ب دووماهی هاتنا ئهركێ وی و به مهرهما مالئاڤاهییێ، جۆدا پێشوازى ل ههر ئێك ژ ڤانسانت گيووم پووپوو، نوونهرێ ئیكهتییا ئورۆپا ل ههولێرێ و ڤێسا هاككينن باليۆزێ فينلهندا ل عيراقێ كر.
د وان ديداران دا نێچيرڤان بارزانى سهرهرای مالئاڤاهییێ، سوپاس و پێزانينێن خوه بۆ كارێن ههردویان ل ههرێما كوردستانێ و عيراقێ نيشان دا و دهستخۆشى لێكرن، ههروهسا د ئهركێ وان یێ نوودا هيڤیا سهركهفتنێ بۆ خواستن.
ههروهسا نوونهرێ ئێكهتییا ئورۆپا ل ههولێرێ و باليۆزى فينلهندا ل عێراقێ سوپاسىیا نێچيرڤان بارزانى و لايهنێن پهيوهندار یێن ههرێما كوردستانێ كرن بۆ وێ ههڤكارى و پشتگيريیا د دهمێ ب برێكرنا ئهركێن وان دا لێ هاتینه كرن و پابهنديىا ئێكهتییا ئورۆپا و فينلهندا بۆ بهرهف پێشڤهبرنا پتر یا پهيوهنديیان ل گهل ههرێما كوردستانێ دووپات كر.
