موه‌لیدێن كاره‌بێ ل دهۆكێ دێ هێنه‌ بێده‌نگكرن

دكۆمبوونا پارێزگه‌رێ دهۆكێ دگه‌ل رێڤه‌به‌رییا گشتی یا كاره‌بێ و نوونه‌رێ لژنا موه‌لیدان دا بڕیار ل سه‌ر بێده‌نگكرنا موه‌لیدان هاته‌ دان.

به‌شیر مزیرى، نوینەرێ لژنا موەلیدان ل دهۆكێ راگەهاند؛ ب ئامادەبوونا پارێزگارێ دهۆکێ، رێڤەبەرێ گشتییێ کارەبا پارێزگەها دهۆکێ و نوونەرێ لژنا موەلیدان ل دۆر رەوشا کارەبێ ل پارێزگەهێ کۆمبوون، د كۆمبوونێ دا بابەتێ ڤۆلتیا موەلیدان، دۆکێل و ئاریشەیێن تایبەت ب موەلیدان د كۆمبوونا ئه‌ڤرۆ دا هاتن گۆتوبێژكرن دا کو بهێنە چارەكرن، هه‌روه‌سا بریار لسەر بێده‌نگكرنا ده‌نگێ موەلیدان هاتە دان و مۆلەت ژی هاتییه‌ وه‌رگرتن تا سەرێ سالێ رێژەکا مەزن یا جهێن موەلیدان بهێنە گرتن و بێده‌نگكرن و هه‌روه‌سا فلتەرێن گازى بۆ کێمکرنا دۆکێلا موەلیدان بهێنه‌ بكارئینان.

ئاماژه‌ ب هندێ ژى كر، قایمقامێن قەزایان هاتنە راسپاردن کو لیژنێن تایبەت بۆ قەزایان بهێنە درۆستکرن بۆ چارەکرنا ئاریشێن موەلیدان ل سەرانسەری پارێزگەها دهۆکێ.

خانی نیوز: سەعد عاسف