پشتى هێزێن ئه‌مریكا ب تمامى خوه ژ ئه‌فغانستانێ ڤه‌كێشاین، چه‌كدارێن رێكخراوا تالیبان د ماوێ شه‌ش رۆژاندا شیاینه هه‌شت باژاران كۆنترۆل بكه‌ن.
مه‌زارى شه‌ریف مه‌زنترین باژارێ باكۆرێ ئه‌فغانستانێ یه، ب كه‌فتنا ڤى باژارى د ده‌ستێ تالیباندا حكومه‌تا ئه‌فغانستانێ چ پێگه‌هـێن بهێز ل باكۆرێ وه‌لاتى نامینن.
نها چه‌ند ده‌ڤه‌رێن ده‌وروبه‌رێن وى باژاری هاتینه كۆنترۆلكرن و تالیبان بزاڤێ دكه‌ت باژارى ژ ده‌ستێن حكومه‌تێ بینیته ده‌ر، هێزێن ئێمناهی دیاركریه كو ئه‌و ده‌ستبه‌ردارى باژارێ مه‌زارى شه‌ریف نابن.
وه‌زاره‌تا به‌رگریا ئه‌مریكا – پێنتاگون راگه‌هاندییه؛ ره‌وش ل ئه‌فغانستانێ به‌ره‌ف ئاراسته‌كێ خراب دچیت، لێ هێزێن ئێمناهی یێن ئه‌فغانستانێ شیانێن پاراستنا خه‌لكێ وى وه‌لاتى هه‌یه، د ده‌مه‌كیدا كو ئه‌مریكا وه‌لاتیێن خوه ئاگه‌هدار كرینه ئه‌فغانستانێ بجهـ بهێلن.
