خانی نیوز: تایبەت
ئهڤرۆ 15 مهها تهباخێ حەفتەمین سالڤەگەرا کارەساتا گوندێ کۆچۆ یە ل شنگالێ ھەتا نوکە چارەنڤیسێ گەلەک وەلاتیێن گوندێ کۆچۆ دیار نینە.
کچی عمی کۆچۆ، ئێك ژ دیدەڤانێن کارەساتا گۆندێ کۆچۆ یه كو ب برینداری ژ ناڤ گۆرەکێ ب کۆم رزگاربوویە بۆ خانی نیوز دیاركر، وەك ئهڤرۆ ل 15 مهها تهباخا سالا 2014ێ تیرۆرستێن داعش ھەموو خەلکێ گۆندێ کۆچۆ ژ کچ و ژن و زارۆک و زەلامان دناڤ قوتابخانا گۆندى دا كۆمکرن ئهو ژی پشتی بۆ دەمێ 12 رۆژان گۆندی کۆچۆ مایە دوورپێچکرن ژ لایێ تیرۆرستان ڤە.
کچی عمی کوچۆ دیاركر؛ پاش ئهو برنە دناڤ قوتابخانێ دا و دەست ب جۆداکرنا کچ و ژن و زارۆکان کرن و زەلام ژی ب شێوێ گرۆپ ل ترۆمبێلان سوارکرن و برنە ب رەخ گۆندى ڤە و گوللەبارانکرن و ب تنێ ئهو 19 کەس ب برینداری ژ ناڤ 17 گۆرێن بکۆم رزگاربووینە.
هژمارا ئاكنجیێن كۆچۆ 1700 كهس بوون، 1210 كهفتن بهر هێرشێ، 407 كهس شههید بوون كو 314 زهلام و 93 ژن بوون، 663 كهس هاتینه ئازادكرن كو 228 زهلام و 435 ژن، ههروهسا تا نها 140 كهس ماینه د دهستێ داعشێ دا 50 زهلام و 90 ژنن و 18 گۆرێن بكۆم هاتینه دیتن 500 رۆفات ژی هاتینه ههلدان.
