ب سەرپەرشتیا د.عەلی تەتەر پارێزگارێ دهۆکێ ئهڤرۆ رۆژا ئێكشهمبى 16 تهباخێ و ب بەرهەڤبوونا جێگرێ پارێزگاری و دەڤەردارێ سێمێلێ و لایەنێن پەیوەندیدار کۆمبوونەک ل دۆر پالاوگەهێن کواشێ هاتەکرن.
دکۆمبوونێدا پشتی هەلسەنگاندن و شرۆڤەکرنا ئەگەرێن ژینگەهێ و رێنمایێن وەزارەتا سامانێن سروشتی و لایەنێن پەیوەندیدار و زێدەگاڤیێن دوان پالاوگەهاندا هاتینەکرن بریارهاتەدان هەتا رۆژا 25 تهباخێ هەمی پالاوگەهێن نەیاسایی و دەرڤەی رێنمایان بهێنەگرتن.
پارێزگارێ دهۆکێ دیاركر؛ ژپێخەمەت بەرژەوەندیا گشتی و نەهێلانا زێدەتر پیسبوونا ژینگەهێ و ژێدەرێن ئاڤێ و بەرهەمێ چاندن ئەڤ بریارە هاتەدان و هەر جهەکێ نەیاسایی و پێچەوانەی رێنمایان دێ هێتەگرتن و پێرابوونێن یاسایی دێ دگەلدا هێنەکرن.
